Aq qalanıń eń sheberi,Aǵash ustalıq hóneri,Ózin hámmeden ilgeriEsaplaǵan Kálan usta.
Tal aǵashtan túyme soqqan,Hóneri hámmege jaqqan.Sákkiz teńgemizdi qaqqan,Bir qapıǵa Kálan usta.
Bul isiń seniń uyattı,Pitker tezirek amanattı,Bergen qapım bir jıl jattı,Íqrarı joq Kálan usta.
Bunsha ıqrarsız bolǵanıń,Buyırarmeken alǵanıń,Ustalı el buzılǵanınSennen kórdik Kálan usta.
Amanatımdı sorasam,Sonsha nege bad urasań?Biy, molla kelse úyińe,"Alıp ket" dep juwırasań.
— Berdaq - Tańlamalı shıǵarmalarınıń jıynaǵı
Hámme saǵan qarar eken,Eldiń mútajı bar eken,Peyliń qapıńday tar eken,Kálan emes, yalan usta.
Ayttım tuwrılıq gápini,Pitkermey eldiń mápini,Beyishke qursań bul qapını,Sen sıymassań, Kálan usta.
Berdimurat meniń ózim,Jurtqa jaqpaǵan mineziń,Alaǵoy qapını biziń,At eterseń Kálan usta...