Dawıl boldı, úrgin úrdi,Qosımnıń qamısın túrdi.Duman bastı aspan, jerdi,Puxaraǵa jaz keler me?
Janımdı aldı sırap suwıq,Suwıqtan jarıldı uwıq.Jaz bizge kelmedi juwıq,Bulkaraǵa jaz keler me?
Tamaǵım joq isherge,Kóligim joq kósherge,Tósegim joq tóserge,Men sorlıǵa jaz keler me?
Júrgen jerim Ayırsha ataw,Ayaǵıma saldı mataw.Qay waqıtta tarqar tataw,Qıslar ótip jaz keler me?
Aǵalar, bul is ábesti,Qashan jıynar adam esti?Teńizler seńge siresti,Biz sorlıǵa jaz keler me?
— Berdaq - Tańlamalı shıǵarmalarınıń jıynaǵı
Arqam Toqtas, suwı tereń,Esitpeydi aw quday gereń.Aqır zaman usı der em,Qıslar ótip, jaz keler me?
Jalayır kópir boyında,Kún kóriw tústi qıyınǵa.Barmadıq toyǵa, jıyınǵa,Biz sorlıǵa jaz keler me?
Ashlıqtan bolmadı tamaq,Aўqatımız qarabaraq.Quday boldı jalǵız shabaq,Puxaraǵa jaz keler me?
Awılda mallar qalmadı,Sırap suwıqlar jalmadı,Jaynap-jasnap waq bolmadı,Biz sorlıǵa jaz keler me?
Qıtay, Qońırat qattı búldi,Aqsha júzge sarǵısh endi,Qırar boldı suwıq eldi,Puxaraǵa jaz keler me?
Qızıl tilim boldı ayǵaq,Ayaq bassam bar jer tayǵaq.Júre almadıq kúlip-oynap,Qıslar ketip, jaz keler me?
Kósilip jatar úyim joq,Iyinge tartar kiyim joq,Toqtan bizlerge buyım joq,Biz sorlıǵa jaz keler me?
Yalǵanshıda haqlıq qayda?Sın qalmadı qáddi-boyda.Qıs azabı bárha oyda,Puxaraǵa jaz keler me?
Qarańlar haslı zatıma,Paryad etken shın dadıma,Júdegen bul elatımaJaynap-jasnap jaz keler me?