Jón-josaqlardı soramay,Azamatlıqqa jaramay,Aldı-artıńdı barlamay,Látte pámli nadan bolma.
Shapandı salıp iynine,Túsip bayaǵı peyline,Qoshshı ertpey keynińe,Sen basqaday nadan bolma.
Seniń ákeń Qulım jaman,Onnan qalay tuwdıń aman?Sendeylerge emes zaman,Jermenge erip, jermen bolma.
Ákeń seniń murap pa edi,Bunday hámel sorap pa edi?Elden salıq jıynap pa edi?Ákeńe tart, jermen bolma.
Seniń teńiń emes hámel,Qolıńa al onseri bel,Atızǵa barıp shapqıl shel,Aqılımdı al, onlıq bolma.
— Berdaq - Tańlamalı shıǵarmalarınıń jıynaǵı
Jarmańdı ish, belińdi buw,Sharshasań ish qaynaǵan suw,Sóyt te ákeńniń jolın quw,Nadanǵa erip, nadan bolma.
Aqılımdı alsań inim,Tap ózińde bolsa bilim,Usı aytıp bolǵan jerim,Halıńdı bil, nadan bolma!