Ǵ. Seytnazarov — shayır xám jazıwshı.
Ǵ. Seytnazarov 1927-jılı Taxtakópir rayonında tuwılǵan. Ol 1943-jıldan baslap baslawısh klassta muǵallim boldı, al 1944-jılı muǵallimler kursın, 1947-jılı Alma-Atada jurnalistika kursın pitkerdi. Sońınan rayonlık gazetada, “Jas Leninshi” gazetasında, Respublikalıq radiokomitette bas redaktor, Karaqalpaqstan Jazıwshılar awqamında juwaplı xatker, xúrmetli dem alısqa shıkkanǵa shekem mámleketlik televidenie hám radio esittiriw komitetinde isledi (1964-90).
    Ǵ. Seytnazarovtıń shıǵarmaları 50-jıllardın ortalarınan baslap járiyalandı. Onıń “Birinshi dápter” (1960), “Erlik belgisi” (1961), “Razlivtegi qos” (1968), “Sırlasıw” (1977), “Temir kazıq” (1982), “Ya idu” (1983) degen poeziyalıq toplamları, “Qızıl qum novellaları” (1962), “Biziń awıl” (1960), “Dawıllar arasında” (1976), “Jalǵız atlı” (1993), “Bóget” (1995) povestler kitabı basılıp shıqtı. Onıń bir katar shıǵarmaları Moskvada rus tilinde járiyalandı.
    Ǵ. Seytnazarov “Ózbekstan Respublikasına miyneti sińgen mádeniyat xızmetkeri” (1977) hám “Qaraqalpaqstan Respublikasına miyneti sińgen mádeniyat xızmetkeri” (1969) Xúrmetli ataklarına iye edi. Ol Ózbekstan xám Qaraqalpaqstan Respublikası Joqarǵı Keńesiniń Húrmet jarlıǵı menen sıylıklanǵan.
    Ǵ. Seytnazarov 1953-jıldan Jazıwshılar awqamınıń aǵzası.