Aǵalarım bar meniń,Men olarǵa elikleymen,Olar barda esirip-jelikpeymenAsıp-tassam «tek-tek» deydi,Jasıp ketsem jiger berer,Ústime taw artsa da berikteymen.

Aǵalarım bar menińBazda oynar qatarınday,Armanı barMeniń pitpes saparımday.Qıraw túsken saqal-shashqa,Olar kórgen awırmanlıqlarǵaShıday almas qara tas ta,Dize búkpes sonda da,Narqayıńday.

Otlı sawash jılları,Talay ólip.Talay tirildi ǵoy,Qabırǵası qırq ret sógildi ǵoy.Táǵdir ne ushın jazalar?Ornı tolmas qazalar,Ornıń seniń jıl-jıldan bilindi ǵoy...

Siyrek qalǵanAǵalar siyrep qalǵan.Birinde ayaq,Birinde búyrek qalǵan.Tek júregi —Dankonıń júregindey,Lapıldap tur.Jat topıraqta,Sheyit qalǵan dostınan,Usılayınsha ol bálkim, buyrıq alǵan.Agalarım, ot júrek aǵalarım.Soǵan usap ósiń, balalarım.

Aǵalarım bar,Qasarısqan ájelge.Shınıqtırǵan sol jıllarBatırlıqqa, qaysarlıqqa ázelden.Ózi ushın,Sheyit ólgen dostı ushın,Xızmet eter ayamastan yosh, kúshin,Der ol: — Tek men juwapkermen Jáhánge,Juwapkermen hátte jalǵız órt ushın.Agǵalarım ele ǵamxor jesirge,Jalınadı — Soldat otın óshirmeńO, aǵalar, ullı júrek aǵalar,Bir qıyanet etsem eger,Mınaw nurlı zamanǵaKeshirme, hesh keshirme.Jazalay ber, retiń bar jazalar,Qayda júrsem súyewimseń saǵalar,Qabaǵıńa uyalasa irenishKirpik penen tazalayın, aǵalar.O, aǵalar, ullı júrek aǵalar.

Jaqsı aǵa bar awılımızda ardaqlı,Júrisi de, minezi de salmaqlı.Bazda biraq keshirimli qompıldar:— «Esigime kele almaydı xan da atlı»Al, ózi ǵoy, bir kún miyman kelmese,Basqa kúnnen qapa júrer mıń ese:— Tentek bolsaq aǵalarım keshirdi,Búgingiler qorqaq pa bul, bul nesi?Sál awırsań, ǵamxorshı sol aǵası,Ol kelgende hesh kimniń joq talası.«Denedegi jara degen jazılar,Jazılmaydı tek ... júrektiń jarası», —Dep xoshamet berse, jaǵar qulaqqa,Jigitlik te onıń ushın sınaqta,Sonda uwqalap oskolkalı ayaǵın,Bildirmewge tırısadı biraq ta.

— lnim, inim, awırıp tur qaymanıń?Tımaw shıǵar? Basıńdı da bayladım.— Qáne, mınaw dáriden ish, qozǵalma,Jawtańlaǵan kózlerińnen aynaldım.Dep pármana bolar bárha qasıńda,Bayaǵı sol soldatlıǵı ırasındaTaslamaǵan jaralanǵan joldasınJawıngerlik minneti ele basında.Sol minneti alańlatpas basqaǵa,(Sirá, olardıń janı bekkem tastan da).Adamgershilik biyiginde xızmetin,Qanı menen jazıp qoyǵan dástanǵa.

Aǵalarım. O, aǵalarım ardaqlı,Olar kelip awılımdı jaynattı.Qan maydanda ullı jeńis dóretip,Reyxstagta jelbiretti bayraqtı.El namısın kórgen emes qorlatıp,Awır kúnde júrdi arqaǵa ter qatıp,Bir pájmúrde ǵarrı bolıp júr búginJúregine keń jáhándi ornatıp.Talay qaza... júregin de jur tilip,Al, kózinde adamgershilik júr kúlip,Garrı demeń. Álle qanday kún tuwsaJolbarıstay tura keler silkinip.Men olardı sonıń ushın sıylayman,Tek men emes, pútkil xalqım sıylaǵan.Ílayıqlı ini bolıp óseyin,Júregińniń bir ushqının qıy maǵan,O, aǵalar, qúdiretli aǵalar.

Qıya baǵıp ay júzedi aqırın,Juldız siyrer tańnıń bilip jaqının.Usı túndi gúzetkendey otır ol,Ara-tura sıypap qoyıp taqımın.Uwqalasa sıypap qoyıp taqımın,Uzaq ótmish alań eter aqılın,Ullı Volga, aralıǵı Oderdiń...Awır jıllar... shaqırımnan shaqırım...Jaqsı doslar, jan qıymaslar — arıslan,Keskilesken qan maydanda tabısqan.ajja-ǵaj tún, qáwipli kún, otlı aylar,Dástan aytar jaqınnan hám alıstan.Kóz aldında talay doslar turadı,Qashıq emes oǵan jıllar jıraǵı.Sonda... tisin ǵashırlatıp, gijinipMalaqayın jerge tartıp uradı.Tap jaqında jaylawdıń nur keshinde(Bunı aytpay, jasıramız nesine)Kórip bolıp «Azat etiw» kinosınUzaq-uzaq jılaǵanı esimde.Jaqsılarǵa bárha júrse bas urıp,

Aǵalarım xızmetinde ele de,Parasatlı aqılı da tereńde.Mańlay terin oramalǵa sıpırıp,Keshke taman otıradı tóbede.Bir qıyaldan toqsan qıyal balalar,Sol máháldi námárt ǵana tabalar,Olar ushın — ómir front máńgilik,Azamatlıq postında tur aǵalar,O, aǵalar, ullı júrek aǵalar…