Sap dúzesip gúzde qaytqan tırnalar,Hawazlarıń qıyalımda jırlanar.Keterińde qıs keldi dep xabarla,Kelerińde júrgen jeriń nurlanar.

Qız dawıslı qılıǵıńa bolayın,Árman etseń qumarıńa qonayın,AÁdetlendim hawazıńdı ańsawgǵa.Nalań bolsa júregime orayın.

Sawlat qossań báhárime, jazıma,Altın gúzde uqsa ónerpazıma.Meyli, qısta dem alıp qayt alısta,Men kúteyin intizar bop nazıńa.

Tórt máwsimde jaynap atar tań kúlip,O, tırnalar, adam sırın qal bilip.Men adamman muhabbattıń qudayı,Kúterim bar, qumarım bar máńgilik.