Ál hasıl malına bazar taba almay,Segbir tartqan kárwanbısań, neseń sen?Kókirekte sher bolap sırtqa shıǵa almay,Jılap ketken ármanbısań, neseń sen?
Seller qutırmasa Átirekte saydan,«Qut qashtı» dep, gerkez qashar ol jaydan,Shabılmaǵan qılısh, mártke zar maydan,Súrilmegen dáwranbısań, neseń sen?
Yashmaq tislep, gúlyaqalar taǵınıp,Aq júzińe qara jawlıq jamılıp,Ayralıqtan bawırı ottay qamınıp,Zarlap ketken jananbısań, neseń sen?
Zergersiz zermiseń, baǵmansız bostan,Qálemsiz kókirekke pitilgen dástan,Shólde Ǵarib Shasánemge tabısqanGózzal kóshki - áywanbısań, neseń sen?
Ustası dúnyaǵa bir kelgen ǵalı,Satıp ala bilmes dúnyanıń malıSáti túsip ońnan turmay samalı.
— Búlbil uyası
Jeti ıqlım giltin zeyinge salıp,Gúl japıraǵın qazan ayazı qarıp,Jáhillik dártine dárman aqtarıp,Tapbay ketken danamısań, neseń sen?
Shadlı dáwran kelip, gúllep diyarıńZer - zergerin taptı, kárwan- bazarın,Jańa áwladlarǵa tolıp gúzarıń,Sheshek atqan bostanbısań, neseń sen?
Ibrayım der: shın shayırlıq jolısań,Adam kewliniń sen solmas gúliseń,Qosıqtıń qudayı Maqtımqulısań,Xalqıń menen qayta tuwǵan sheshenseń.