1928–2000
Joldasbay Dilmuratov 1928-jılı 5-mayda Shımbay rayonında tuwılǵan. 1950-jılı pedagogikalıq instituttı sırttan oqıp tamamlaydı.
J. Dilmuratov Shımbay rayonındaǵı A.S. Pushkin atındaǵı segiz jıllıq mektepte muǵallim hám direktor bolıp isleydi. 1952-jıldan baslap “Sovet Qaraqalpaqstanı” gazetasında ádebiy xızmetker, sońınan teleradio komitetinde aǵa redaktor lawazımlarında isleydi.
Onıń dáslepki qosıqları 1948-jılı járiyalandı. Házirge shekem onıń “Jaslıq yoshı” (1954), “Qaraman” (1961), “Júrek alǵısı” (1966), “Náwbáxár” (1973), “Gúller ashılǵanda” (1976), “Zaman zawqı” (1983), “Sen meniń ilhamımsań” (1988) sıyaqlı toplamları baspadan shıqtı. 1992-jılı onıń “Tańlamalı shıǵarmalarınıń bir tomlıǵı” basıldı.
J. Dilmuratovtıń balalarǵa arnalgan qosıqları, poema ları xázirgi poeziyada belgili orın tutadı, bulardıń qatarında shayırdıń “Ómir gúli” (1958), “Artekte” (1969), “Kiyikler” (1976), “Jolbarıstıń táǵdiri” (1980) hám basqa da toplamların atap ótiwge boladı. Shayırdıń ayırım shıǵarmaları ózbek, qırǵız tillerinde járiyalanǵan.
J. Dilmuratov Qaraqalpaqsgan hám Ózbekstan Respublikasına miyneti sińgen mádeniyag xızmetkeri. Ol Ózbekstan Respublikası Joqarǵı Keńesiniń Xúrmet jarlıǵı menen sıylıqlanǵan.
J. Dilmuratov 1955-jıldan Jazıwshılar awqamınıń aǵzası.