NÓKIS

Jıllar dáwranıńnıń esigin qaqtı,Jettiń báhárińe qarlıǵash bolıp.Hár kósheńde kúldi insannıń baxtı,Sen óstiń gúl bolıp, mármár tas bolıp.

Tariyxıń urmaǵan tereńge tamır —Sen jassań, ádiwli úmitiń alda.Biraq, dúnya seniń xalqıńdı tanır,Sen de dańq jayarsań bul xalqıń barda!

Bilemen, gózzallıq jat emes saǵan,Ómir aǵısları tósińdi juwar.Sheber hám sharshamas qurılısshı-anań,Qushaǵıńda záwlim jaylardı tuwar.

Sol jaylarda túnde sónbes jaqtı —Seniń keleshegiń sızılıp atqan.Dál ortańa ornap ıǵbaldıń taxtı,Saǵan jánnet ózi qızıǵıp atqan.

Nókis, dárgayıńa ákeldi maqset,Sende qanat qomlap, ushtım joqarı.Mendegi táshwishler, mendegi sápset, —Seniń azamatıń bolıw opalı.

Tariyxıń urmaǵan tereńge tamır,Sen jassań, ádiwli úmitiń alda.Biraq, dúnya seniń xalqıńdı tanır,Sen de dańq jayarsań bul xalqıń barda!