Sen haqqında jazdı hámme...Maqtadı.Men keshiktim.Aytajaqpan sonda da.Maqtandırmas bolǵanlıǵıń paxtalı,Júregiń aq.Maqtandırar sol ǵana.
Sen dúnyanı quwǵanıń joq tepsinip,Baylıq degen qoldıń kiri burınnan.Maqtamayman baylıǵıńdı kópsinip,Al, maqtayman ketip atqan shıǵınnan.
Túye órkesh qumlarıń kóp sarǵayǵan,Tawlarıń joq, toǵayıń joq aq qayıń.Baspanasız ótmishińdi ǵarǵayman,Tawıńdı emes, mártebeńdi maqtayın.
Aspanıń keń taldırǵan qus qanatın,Jazılısıp shabatuǵın dalań bar.Sen olarǵa asıp-taspa, elatım,Keń peylińdi maqtayjaqpan, adamlar.
Arxeologlar qazıp atır jer astın,
— XX ásir qaraqalpaq poeziyası antologiyası