Máryam Qasımova — shayır hám jazıwshı.
M. Qasımova 1917-jılı Xojeli qalasında tuwılǵan.
Ol dáslep Xojelidegi peduchilisheni (1935), sońınan Tórtkúldegi muǵallimler institutın pitkergennen soń (1940) muǵallim bolıp isleydi.
    1945-jıldan baslap “Qızıl Qaraqalpaqstan” gazetasında ádebiy xızmetker, 1949-56-jılları “Qaraqalpaqstan” baspasında redaktor, 1956-59-jılları Ózbekstan Telegraf agentliginde redaktor, Qaraqalpaqstan mádeniyat ministrliginde bólim baslıq (1959-62), “Ámiwdárya” jurnalında ádebiy xızmetker (1962-65), al sońǵı jılları ómiriniń aqırına shekem baspa sóz tarqatıw orınlarında jumıs isledi.
Jazıwshınıń “Qosıqlar” (1955), “Qaraqalpaq qızları” (1957), “Qurılısshı” (1959) degen toplamları basılıp shıqtı.
    Ol A. Muxtardıń “Apalı-sińliler” (1976) romanın, M. Prishvinniń gúrrińlerin qaraqalpaq tiline awdardı.
M. Qasımova Ózbekstan hám Qaraqalpaqstan Respublikası Joqarǵı Keńesiniń Húrmet jarlıqları menen sıylıqlandı.
    M. Qasımova 1957-jıldan Jazıwshılar awqamınıń aǵzası.