«Qırqqız»ǵa keliń, joldaslar,Gıllenteyik tezirek.Qızdırmasaq miynetti,Shıdamaydı jas júrek.

Qaynap shıqqan jaslıqtıń,Tasqını bergen, yosh bergen.Qanday baxıt bul jerde,Baǵ dóretip, gúl tergen.

Jazıq dala partawda,Paxta, biyday ırǵalsın.Tasqın tabıs ústinde,Erliktiń jırı jırlansın.

«Qırqqız»da hasıl erlerde,Baǵlar shıqsın kógerip.Dóresin jańa qalalar,Qáddin biyik kóterip.

Kanaldan suwlar atlıǵıp,Tassın biziń tabıstay.Qızsın miynet jarısta,Birewden birew qalıspay.

Traktorlar gúrildep,Jerdi súrip ayırsın.Jemisin tóksin qoynınan,Eskiden jatqan ǵarrı tıń.

Qutlı qonıs kóbeyip,Keń dalaǵa nur tolsın.Taǵı da bolıp el abat,Toy ústine toy bolsın.

«Qırqqız»ǵa keliń, joldaslar,Gúllenteyik tezirek.Jeńistiń qızıl bayraǵı,Tursın dónip jelbirep.