Xalıqtıń ǵamın oylaǵan,Miynetiniń baǵınan,Ómiri gúl jaynaǵan,Kóksinde juldızları, —Qaraqalpaq qızları.
Márt azamat gúreste,Atı shıqqan hár iste,Erler menen bir sapta,Jollar ashqan jeńiske,Basta baxıt jazları,Qaraqalpaq qızları.
Mart jigitler joldası,Mıńlarǵa teń bir bası,Batır Zoya, Lizanıń,Zamanlası qurdası,Istiń ónerpazları,Qaraqalpaq qızları.
«Aq altındur mákanı, —Gúl jaynaǵan watanı,Miynet penen quwantqan,Ullı Watan — ananı.Shertken baxıt sazları,Qaraqalpaq qızları».
Ullı maqset jolında,Jeńimpaz bayraq qolında,Gúres penen miynette,Jarısta kóptiń aldında,Kóksinde juldızları,Qaraqalpaq qızları.