Sen izlegen sulıw árman qaydadur,Juldız aralaǵan bálki aydadur.Gózzallıqtıń gúli ósip kóksinde,Bir pinhamı tolıp-tasqan jaydadur.

Sezimler qapısı ashılsa tolıq,Amiw tolqınınday soqqan saydadur.Ómirdiń naǵıshı súykimli qılıq,Miyrimli ol áziyz tereń oydadur.

Quyash penen gáwhar suwım tınıqdur,Olsız jer aspannıń sáni bolmaǵan.Jaqsıǵa dos bolsań qálbiń jılıp tur,Haqıyqat haq niyet Allam qollaǵan.

Zaman táshwishleri tússe moyınǵa,Umtılıp jasawıń sózsiz anıqdur.Jaqsılıq ol árman sińse qanıńa,Keleshegiń ay nurınday jarıqdur.

Kewil degen misli aspan sıyaqlı,lzlegeni sulıw sháshme bulaqdur.Nurmuhammed, ómir gerbishin qalap,Jasaǵan dáwranıń bilseń sınaqdur.