Qalıy Jumaniyazov

    Qalıy Jumaniyazov — jazıwshı hám jurnalist.
K. Jumaniyazov 1924-jılı 10-mayda Shımbay rayonındaǵı Tazajol awılında tuwılǵan. Ol 1941-45-jılǵa shekem ekinshi jáhán urısı frontlarında boldı, 1947-jılı áskerlikten qaytıp kelgennen soń mektepte muǵallim bolıp isledi. 1950-jılı pedagogikalıq uchilisheni sırttan oqıp pitkeredi, 1955-jılı Qaraqalpaq mámleketlik pedinstitutın pitkerip, “Sovet Qaraqalpaqstanı” gazetasına jumısqa keledi.
    Q. Jumaniyazov bul jerde dáslep ádebiy xızmetker, sońınan bólim baslıǵı, 1958-72- jılları “Ámiwdárya” jurnalınıń juwaplı xatkeri, 1972-77-jılları “Sovet Qaraqalpaqstanı” gazetasınıń óz xabarshısı, keyingi jılları “Ámiwdárya” jurnalınıń proza bóliminiń baslıǵı xız- metlerin atqaradı. Jazıwshınıń “Talpınıw” (1960), “Dáslep- ki oylar” (1961), “qosıqlar” (1972), “Jırlarım meniń” (1972) atlı qosıqlar hám poemalar toplamları basıldı.
    Onıń “Qızıl qum qońırawları” (1969), “Qosbulaq qıssası” (1974), “Dáslepki adım” (1980) degen ocherk hám gurrińler toplamları, povestleri hám romanı óz aldına kitap bolıp basıldı.
    Q. Jumaniyazovtıń bir neshe shıǵarmaları tuwısqan xalıqlar tillerine de awlarılǵan.
    Q. Jumaniyazov “Qaraqalpaqstan Respublikasına miyneti sińgen mádeniyat xızmetkeri” Húrmetli ataǵına iye, sońday-aq ol “Qaharmanlıǵı ushın” medalı, Qaraqalpaqstan Respublikasınıń Joqarǵı Keńesiniń húrmet jarlıqları menen sıylıqlanǵan.
    Q. Jumaniyazov 1961-jıldan Jazıwshılar awqamınıń aǵzası.