Miynet jolın xalqı ushın arnaǵan,Hesh waqta da qáte jolǵa barmaǵan,Adamzattıń ar-namısın oylaǵan,Haq kewilli adam bolǵım keledi.
Daq túsirmey adam degen atıma,Alıp júrip usı sózdi yadıma,Kóp nárseler beriw ushın xalqıma,Xızmet etken adam bolǵım keledi.
Úles qosıp bul baxıtlı turmısqa,Islep júrip ǵárezsizlik zamanda,Basqalardan alda bolıp jumısta,Miynet súygish adam bolǵım keledi.
Keleshek jaslarǵa órnek kórsetip,Máńgilikke júrgendey bop sóz etip,Xalqım ushın nátiyjeli is etip,Isleytuǵın adam bolǵım keledi.