Ulmámbet Xojanazarov

    Ulmámbet Xojanazarov—shayır.
U. Xojanazarov 1938-jılı Kegeyli rayonında tuwılǵan. Ol 1960-jılı Qaraqalpaq mámleketlik pedinstitutınıń matematika fakultetin tamamlap, mektepte muǵallim, oqıw bóliminiń baslıǵı boldı. Áskeriy xızmetten soń, televidenie hám radio esitttiriw komitetinde jumıs isledi (1965), “Ámiwdárya” jurnalınıń bólim baslıǵı (1966-69), oblastlıq partiya komitetinde (1969-71), “Ámiwdárya” jurnalında bas redaktor (1971-78) lawazımında isledi. Moskvadaǵı Jámiyetlik ilimler akademiyasında oqıdı (1978-80), “Sovet Qaraqalpaqstanı” gazetasında bas redaktordıń orınbasarı, Oblastlık partiya komitetinde bólim baslıǵınıń orınbasarı (1980-81), Bozataw rayonlıq partiya komitetiniń sekretarı boldı, Qaraqalpaqstan televideniesi xám radio esittiriw komitetin baskardı (1985-92), Nókis rayonınıń hákimi, “Ruwxıylıq hám aǵartıw” orayınıń baslıǵı boldı. Házirgi wakıtta dem alısta.
    Shayırdıń “Áўelemen-dúwelemen” (1969), “Kewil tuyǵıları” (1970), “Jıllarım meniń” (1976) «Napevı Amu», «Kewil kusım» (2010) atlı toplamları jarıkka shıqtı. Ol A.Pushkin, Y.Lermontov, V.Mayakovskiy, R.Babajannıń «Obi hayot», A.Tvardovskiydiń geypara shıǵarmaların Qaraqalpaq tiline awdarǵan. U. Xojanazarov “Ózbekstan Respublikasına miyneti singen mádeniyat xızmetkeri” «Qaraqalpaqstan xalıq shayırı» húrmetli ataǵına iye. Ol Ózbekstan Jaslar awqamı sıylıǵının laureatı hám Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan.
    Ol 1969-jıldan Jazıwshılar awqamınıń aǵzası.