WATAN

Qaraqalpaq atlı meniń Watanım,Táńirim talayıma basqan mórim ol.Ata-babam jatqan áziz topıraǵım,Qayda júrsem qaytıp keler jerim ol.

Onıń kermek suwı, duzlı hawası,Bul dártli kewlimniń jalǵız dawası,Piyrim Xoja Axmettiń qalıs duwası,Janımnıń ishinde jatqan jerim ol.

Watan jayǵaspaydı tildiń ushında,Onı kóziń qıymas sonıń ushın da,Hárkim dos-yaranı, teńi-tusında,Ernazar, Elmurat, Ábdikerim ol.

Tábiyat nızamı bunsha qataldı,Tańlap bolmas Ata-ananı, Watandı,Tek onı súyeseń xalıq qatarlı,Súymey ketseń, erte kelgen ólim ol.

Sol ushın da, erte kún be, kesh kún be,Men Watandı almaspayman hesh kimge,Eki dárya aǵar xalqım kóksinde,Ibrayım hám Abdulladay sherim ol.

Alla hárkimge bir táǵdir tayınlar,Qayımshılar qayımıńdı qayımlar,Abaylańlar aq kókirek shayırlar,Basıńdı lashıńnan úzer sehriń ol.

Ay, yashı úlken, yashı kishi, qatarlım,Tutaman dep tutqa tasın jáhánniń,Tarpıwına tap bolma sen Watannıń,Astan-kesten, jurt kórmegen kórim ol.

Qol qatılmas qorıq jerim, záhiyrem,Nesiybemiz kóp iylem, ya az iylem,Aman turǵmy Watan atlı ǵáziynem,Jalǵız úyim seniń menen meniń ol.