Xojamurat Turımbetov

    Xojamurat Turımbetov — shayır.
X. Turımbetov 1922-jılı Taxtakópir rayonında tuwılǵan. Ol 1941-jılı Xojelidegi peduchilisheni pitkergen hám ózi tuwılǵan rayonda atkarıw komitetinde xızmet isledi.
    1942-jıldan ekinshi jáhán urısına qaǵnastı. Shımbaydaǵı muǵallimler institutın tamamlap rayonda, sońınan muǵallim, rayonlıq gazetanıń redaktorı lawazımın atqardı.
Moskvadaǵı ádebiyat institutın pitkerip, Jazıwshlar awqamında másláhátshi, juwaplı xatker, “Ámiwdárya” jurnalınıń bólim baslıǵı xızmetlerinde isledi.
    Shayırdıń shıǵarmaları 40-jıllarda járiyalana basladı. Onıń “Gúlistan” (1954), “ Baxıtlı jaslıq” (1955), “Eki dos” (1957), “Baxıtlı kız” (rus tilinde, 1954), “Kóp kúttirgen báhár” (rus tilinde, 1957), “Tuwıskanlık sálemi" (ózbekshe, 1958), “Talўas” (1962), “Mángige tiri” (1961), “Jáne báhár keldi” (1970), “Shayır jolı” (1959), “Tań” povesti taǵı basqa toplamları basılǵan. 1974-jılı shayırdıń “Tanlamalı shıǵarmaları” járiyalandı.
    X. Turımbetov Qaraqalpaqstan Respublikası Jokarǵı Keńesiniń Húrmet jarlıǵı menen sıylıqlanǵan.
    X. Turımbetov 1955-jıldan Jazıwshılar awqamınıń aǵzası.