Aw saldım barıp teńizge,Teńiz balıǵın bermedi.Alla názer salǵay bizge,Kóz jastı nege kórmedi?
Qıtay, Qońırat búler boldı,Áўliyege túner boldı,Ashlıqtan jurt óler boldı,Teńiz balıǵın bermedi.
Men ózim bardım sal minip,Sal emes ullı hal minip,Álibim-ire, dal bolıp,Teńiz balıǵın bermedi.
Ábeshiy boldı zamana,Kún kórmegimiz gumana,Qudayım bergey amana,Teńiz hám balıq bermedi.
Qalay boldı hallarımız,Bolmadı hám mallarımız,Bolar ma eken jollarımız,Teńiz balıǵın bermedi.
— Berdaq - Tańlamalı shıǵarmalarınıń jıynaǵı
Áy, aǵalar, ıǵbal bolǵay,Haq nurına miyrim qanǵay,Dushpanlardıń úyi janǵay,Zaman túrinen bermedi.
Bayda sahawat bolmadı,Iyshanda shápáát qalmadı,Sonda da gúli solmadı,Tilegimdi hesh bermedi.
Ketpedi kewildiń daǵı,Kópir sındı gúzardaǵı,Ǵaripler ashılmay baǵı,Teńiz balıǵın bermedi.
Berdimurat meniń ózim,Yalǵan emes aytqan sózim,Álamattı kórdi kózim,Salamatlıǵın bermedi.