Úfik máhrem, bejit júriń,Jolıń juwıq pa, jıraq pa?Minipseń jıldırım yańlı,At pa, eshek pe, pıraq pa?
Bul eshektiń mańlayı sor,Otqa qoreń, ózi jemxor,Moynı kishi, xızmeti zor,Aq ǵashırdan ullıraq pa?
Basıńa shanshayın jıǵa,Haqqıńa qılayın duǵa,Iyir andız sarı buǵa,Artqanıń ayna-taraq pa?
Kók eshektiń bayraǵı qoy,Hár jerge barsa jıyın-toy,Qayshı menen bejerip qoy,Sawrısı júnli baraq pa?
Jatpay, turmay et talaptı,Shólleseń ishkil shalaptı,Eki qońın ǵayzalaptı,Sál giytińi qısqaraq pa?
— Berdaq - Tańlamalı shıǵarmalarınıń jıynaǵı
Eshegińniń tamaǵı toq,Qulaǵı salpı, jalpı joq,Quyrıǵında bir túgi joq,Ishten tuwǵanda sholaq pa?
Bul eshegiń qulıntaydı,Berdimurat bas shayqaydı,"Hıq" degende qıysańlaydı,Sál palańı juqaraq pa?