Sen qosıqsań jırtıq úyde tuwılǵan,Ash xalıqtıń ármanına juwılǵan.Tuwılıwdan ıǵbal izlep xalqıńa,Jalań ayaq qardı basıp juwırǵan.
Iyniń tiyse pútinirek kiyimge,Sheship japtıń onı bóten iyinge.Qosıq jazar xoshım joq dep yosh ańlıp,Otırmadıń may kekirip úyińde.
Zalımlardıń kózine sen jin boldıń,Qarlıqqanǵa shańqıldaǵan ún boldıń.Qaqaman qıs xalıqtıń ápshin quwırsa,Sen olarǵa kempir quyash kún boldıń.
Boz ordada ayshı-áshiret qurmadıń,Dánsiz jerde torǵay bolıp shırladıń.Qarlıǵashtay awzıń menen suw tasıp,Prometeydey táńiriden ot urladıń.
Bayron bolıp dańqıń túspes jáhánǵa,Onıń menen kemip qalmas bahań da.Kewillerdiń gúli bolıp jasarsań,
— Búlbil uyası
El dártine dárman bolǵan giyasań.Xalıq ármanı tuwǵan poeziyasań,«Ataq emes, sóz quwaǵór, balam» dep,Kóz aldımda turasań da qoyasań.