Ǵarrılar — Ibrayım Yusupov · PoeticaAwılımnıń ǵarrıların súyemen,Hár sózine bererem bir túyeden,Hár birinde Jiyrensheniń aqılı,Qaltasınan túrtip turar naqılı.Gúrrińleskeninde jallasıp olar,Hár biri ózinshe «fáylasuf» olar.Olar sál nársege qanáát qılǵan,Olar asıqpaydı, asıǵıp bolǵan.Ǵarrılıqtıń, awır minnetli júginSır bermey kóterip júriser búgin.Sóz qozǵasa Adam atadan baslar,Izin ay, juldızǵa aparıp taslar,Aydan kelip, maqtasar bul zamandı,Siyasattan «oqıtar» hár adamdı.Ne aytsa da, ózi kórgendey aytar,Bilmese de, ózi bilgendey aytar.Bazda qayıl qalsań danalıǵına,Bazda kúlkiń keler sadalıǵına,Sóytse de, olarda tereń máni bar,Ǵarrısız awıldıń qanday sáni bar?Jaslar xızmet etip, tórinde kúter,
— Búlbil uyası
Ibrayım Yusupov qosıqları
Sóytip azamatlıq sınawdan óter.
Eger sen aspandı tursań da tirep,
Attan túsip, sálem bermegiń kerek.
Sonda ǵarrılar qaytadan tuwǵanday,
Quwanar beline belbew buwǵanday.
Júrdek eshekler ústinde ǵawqıyıp,
Sóylesip barar jolǵa zorǵa sıyıp.
Biraq ańlamaǵan edim hesh burın:
Keshe awıl jolında keshqurın
Kórdim bazardan qaytqanın olardıń.
Ayhay, dım siyreksip barar olar dım...
Begligińdi buzba senBar bilgeni awzında.
NawayıǵaSen ármansań shólge pitken baq bolıp,
ToqayǵaBáhár keldi. Keldi demek poeziyanıń náwbeti,
← Ernazar Alakózdiń esteligine
Gesirtkeniń kózleri →