Dáryalar teńizge ushlasıp,Quyadı suw emes, miyrimin.Soqpaqlar gúzarǵa tutasıp,Baslanar ómirdiń iyrimi.
Aǵılar adamlar dizbegi,Hárkimniń niyeti, oyı bar.Qalsın dep áwladqa izdegi,Ómirge bir gerbish qoyılar.
Men daǵı soqpaqta jolawshı,Bir biyik maqsetke talaban.Sóz — qızıl qırǵawıl, men — awshı,Izinen entigip baraman.
Aldımda jollardıń dárbenti...Qarayman úmitli alısqa.Qıyını — shayırlıq gúzarı,Táwekel, túseyin jarısqa.
— XX ásir qaraqalpaq poeziyası antologiyası