Báygige qosıldı jorǵalar,Jiyreni, torısı, qarası.Seyisler óz atın qorǵalar,Joq oǵan heshkimniń talası.
Báygide súrildi jorǵalar,Jiyreni, torısı, qarası.Tósinen qara ter sorǵalar,Ayrılıp shıǵajaq sarası.
Báygide súrilgen jorǵalar,Toplımdı ayırdı qarası.Qanijıǵa, zer maqpal dorbalar,Júyrikler ishinde darası.
Esletip kóktegi qırǵıydı,Omırawlap baratır qarası.Bir oram jazdırsa sırǵıydı,Ústinde shabandoz balası.
Tuw anaw kózlerdiń ushında,Shańǵıtıp baratır qarası.Hátteki, qanatlı qusıń da,Jetiwge joqtay — sá shaması.
— XX ásir qaraqalpaq poeziyası antologiyası
..Maqtadı shayırlar, maqtadı,Júzden bir júyriktiń kelisin.Baqsılar yadında saqladı,Sol qara jorǵanıń jelisin.