HASÍL TASLAR

Hasıl taslar!Gózzallardıń moyınlarında,Monshaq bolıp tawlanasızlar...Ne qálem qaslar,Saǵan intizar,Jatsa-tursa mudam oyında,Ańsaǵan ármansızlar.

Hasıl taslar!Birewlerdiń bufetlerin zat bolıp,Suvenir bolıp toltırıp tursız,Kórip ǵoddaslar.Ne jumır baslar.«Salaman» dep moynına «qurıq»,Ómir boyı keler juwırıp.Hasıl taslar!

Saǵan qolı jetken de bar, jetpegen de bar,Erli-zayıp bawırların tas qılıp,Jánjelge baslar,Kózlerin jaslar,Birewlerdi azǵırıp,Birewlerdi máz qılıp, —Qıynaysań biykar, —Ex, hasıl taslar!