Alıslıqlar artında qaldı,Jaqınlastı kem-kem qashırım.Elge jete buwını taldı,Qalǵan waqta jeti asırım.
Espe qumlar túye órkeshli,Qádemlerin bastırmas alǵa.Dıúz samalı ot bolıp esti,Tústi baqsı awır awhalǵa.
Arman edi — elatın kóriw,Arman edi — ullı kásipler.Ana tilde dártlesip óliw,Árman edi — diydar nesipler.
Sońǵı kúshin jıynadı baqsı,Búrkit kibi shıńǵa úmitdar.Asırımnan asırım astı,Shıqpas jannan ele úmit bar.
..El kórindi, eller kórindi,Iyelendi sońǵı asırım.Mumday balqıp, qarday eridi,Shertti baqsı nama hasılın.
— XX ásir qaraqalpaq poeziyası antologiyası