ANAJAN

Hásiretińdi aq shashıńa bergenseń,Turmıs júgin kósem bolıp kórgenseń,«Jetim qızǵa» muńlas bolıp kelgenseń,Shıńqıbozdı tıńlasam men, anajan.

Boy kóterip jarqın etip júzińdi,Dilwar bolıp ayttıńba hár sózińdi?Házirgidey toy-mereke, bázimdi,Qız kúnińde kórippediń, anajan?

Jaslayıńnan batıp juldız, ayları,Japa shegip solǵın tarttı diydarıń,Tolǵanıstan mıń qubılıp oylarıń,Tań shuǵlasın ańsar ediń, anajan.

Kózdiń jası sel-sel bolıp tamǵanda,Kewil sheri árman bolıp qalǵanda,Bul dúnyaǵa kelgenimiz jalǵan ba?Dep nalınıp otırar eń, anajan.

Ash belińe tússe ánwar burımıń,Kóp esler-eń ótken dáwir zulımın,Kaórgenleri kóp ǵoy adam ulınıń,Aq júzińe ájim túsken, anajan.

Páyik bolıp ketpey meniń qasımnan,Ertek aytıp sıypar ediń shashımnan,Meni ushqır qıyallarǵa jasımnan,Qanat qomlap ushırǵansań, anajan.

Tilegim sol: bekkem bolǵay sawlıǵıń,Jelbiresin áshirepidey jawlıǵıń,Eger bir sóz aytqan bolsam dawrıǵıp,Keshirgeyseń, keshirgeyseń, anajan!