Taǵı shámenzarda oylanıp turman,Taqatsızlıq áylep, qıylanıp turman,Aytsam ada bolmas mendegi árman,Arzıwlım, arzımdı tıńlarmekenseń?
Báhárde ushqanda ǵańqıldap ǵazlar,Taǵı baǵ seyiline jol aldı qızlar,Meni aldarqatpas shertilgen sazlar,Arzıwlım, arzımdı tıńlarmekenseń?
Ashılǵan qırmızı gúlden tereyin,Ne ushan tawlardan asıp keleyin,Muhabbat sharabın qoldan bereyin.Arzıwlım, arzımdı tıńlarmekenseń?
Gúller átir shashıp urxanlar jaysa,Tańlarda jelkildep turar ma maysa?Dáli kewlim tasıp qarayman oyshań,Arzıwlım, arzımdı tıńlarmekenseń?
Anaw iyretilgen jollar da alıs,Samal esse, gúwlep turar nar qamıs,Shoq tallar ırǵalıp, salar tolǵanıs,
— XX ásir qaraqalpaq poeziyası antologiyası
Tal shıbıǵım bolsań, iyik bolayın.Sharqanalı tarǵa tiyek bolayın,Bárha jollarıńda páyik bolayın,Arzıwlım, arzımdı tıńlarmekenseń?