Samal terbegende seni ırǵaltıp,Bunda men turarman oylarǵa batıp,Jigit jedelli bol, bolma dep natıq,Maǵan táshwish salǵan, janım sárwi tal.
Misli arıw kibi atlas kiyindiń,Múlgip kesh bolǵanda tómen iyildiń,Qız kórkindey qáwmetińe súysindim,Meniń aqılımdı alǵan, janım sárwi tal.
Ane, aynalańnan qızlar ótedi,Olar oylarımdı qozǵap ketedi,Tolǵanıstan hárkim yarın kútedi,Meniń aqılımdı alǵan, janım sárwi tal.
Taǵı aylanshıqlap qasıńa keldim,Japıraǵıń qızlardıń shashıma dedim,Aylı aqshamlarda uzaq tebirendim,Meniń esimdi alǵan, janım sárwi tal.
Bálkim, shıbıǵıńnan baslap kógertken,Bir dilbar kórkime boyıńa pitken,Bilmedim. Arıwlıq qalaysha ótken,
— XX ásir qaraqalpaq poeziyası antologiyası