ǴARRÍLAR

Jol ústinde arbam qalsa shúyelip,Jol baslarım hasalarǵa súyenip.Kese ótiw bılay tursın aldıńnan,Ayaǵıńa bas urayın iyilip!

Hárkim kúter óz máwsimin saǵınıp,Mushtan burın kelip qalar ǵarrılıq.Ózim túwe tili shıqqan balam da,Ata! — deydi adamlarǵa abınıp.

Apiw etiń, tilim tiyse ǵarrılar,Perzentińmen aldıńızda tabınar.Qatarım dep qosıp alıp ketpeńiz,Jigitlerdi shashlarında aǵı bar.

Tay, qulının úyirine jiberip,Ákem ketti, uzaq jolǵa jónelip...Sonnan beri kózlerimniń nurısız,Sonnan beri hárbirińiz teberik!